Jana Arsovska, bashkëautorja e Kryetarit të Kuvendit të Kosovës, Dimal Basha, në shkrimin kundër UÇK-së, i publikuar në gusht 2012 është përpjekur që ta shfajësojë Bashën, duke thënë se pjesa ku flitet për UÇK-në nuk e ka shkruar kryekuvendari, por ajo.
“Duke qenë se unë jam autore e shumicës së punës në këtë studim, dua të bëj të qartë për publikun se Dimal Basha është përgjegjës vetëm për Kapitullin Tretë, ‘Expansion of Radical Islam’ dhe asnjë nga kapitujt e tjerë nuk është puna e tij”, ka thënë ndër të tjera Arsovska.
Basha, në një punim akademik, i publikuar më 22 gusht 2012, me bashkëautore Arsovskan, shkruante se Ushtria Çlirimtare e Kosovës (UÇK), bashkëpunoi me kriminelë brenda dhe jashtë Kosovës.
