Deputetja e Lidhjes Demokratike të Kosovës (LDK), Hykmete Bajrami, ka reaguar pas raportimit të VOX Kosovës për përfitimet financiare të organizatës “Mundësia” në Mitrovicë, e cila drejtohet nga ish-kandidatja e Lëvizjes Vetëvendosje për deputete, Hasime Tahiri-Hasani.
Siç raportoi dje VOX-i, që nga viti 2021 kjo organizatë ka përfituar rreth 322 mijë euro nga Ministria e Kulturës, Rinisë dhe Sportit, si dhe nga Zyra e Kryeministrit.
Në një postim në Facebook, Bajrami ka thënë se qeveria e cila ka lënë 700 punëtorë të RTK-së pa paga, është e njëjta që kandidates për deputete Hasime Tahiri -Hasani (LVV/Alternativa), ia ka dhënë plotë 322 mijë euro, duke ia siguruar buxhetin deri në vitin 2027.
“‘Punë dhe drejtësi’, thoshin!”, ironizoi Bajrami me sloganin e dikurshëm të VV-së kur po tentonin që ta fitonin pushtetin.
