Mentor Majaci, ish-aktivisti i shquar i Vetëvendosjes në Llap, i ka dalë në përkrahje kandidatit të LDK-së për kryetar të Podujevës, Ekrem Hysenit. Madje, ata janë takuar sot në zyrën e këtij të fundit. Këtë, të ditur e ka bërë vetë Hyseni.
“Çdo ditë e më shumë po shtohet numri i atyre që po bashkohen në rrugëtimin tonë drejt fitores së madhe të 12 tetorit”, ka shkruar Hyseni në profilin e tij në Facebook.
VOX Kosova kishte siguruar një video ku shihej e dëgjohej një bisedë mes Mentor Majacit dhe disa figurave qendrore të Vetëvendosjes.
Bëhet fjalë për ministrat Arben Vitia e Hajrulla Çeku si dhe deputetin Ilir Kërçeli.
Sipas informacioneve të VOX Kosova, takimi ndodhte pak kohë para se Majaci të zyrtarizonte dorëheqjen e tij. Figurat e lartëcekura ishin dërguar me mision të posaçëm aty, ta parandalonin largimin e aktivistit në fjalë. Por nuk patën sukses.
Ai ua përmend në sy hajnitë që ai pretendon se ndodhën nga Vetëvendosje. Madje iu lutet t’i ndalin keqpërdorimet, siç thotë ai me letra.
Pas pak ditësh Majaci dha dorëheqje nga Vetëvendosje e iu kërkoi falje të gjithë atyre që i ftoi t’i bashkoheshin kësaj partie.
Ky ishte raportimi i VOX Kosova më 11 shtator:
