Organizata e Veteranëve të Luftës së Ushtrisë Çlirimtare të Kosovës (OVL-UÇK) ka kërkuar shkarkimin e menjëhershëm të Kryetarit të Kuvendit, Dimal Basha dhe nisjen e hetimeve nga Prokuroria, pasi u bë publik punimi shkencor, ku kriminalizohet UÇK-ja, e në të cilin Basha është bashkautor.
“Arsyeja për fillimin e hetimit dihet: pjesëmarrja në luftë speciale propagandistike kundër UÇK-së dhe Kosovës. Lidhja personale dhe bashkëpunimi me persona të dyshimtë, përfshirë bashkëpunëtorë nga Maqedonia e Veriut, të cilët ndikojnë negativisht në zhvillimin dhe integritetin e vendit tonë”, ka thënë Kryetari i OVL-UÇK-së Hysni Gucati, në një konferencë për media.
Në rast që nuk përfillen kërkesat e tyre, ata thonë se obligohen të ndërmarrin veprime të tjera, për të cilat do të njoftojnë me kohë.
