Liburn Aliu, ka dorëzuar letrën e dorëheqjes së tij nga detyra e Ministrit në Ministrinë e Mjedisit, Planifikimit Hapësinor dhe Infrastrukturës.
Ky vendim, ai njofton se vjen pas zgjedhjes së Kryetarit të Kuvendit të Kosovës, Dimal Basha.
“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua”, shkroi ai në platformën sociale Facebook.
Aliu potencoi se pas votimit të Bashës, ai e ka njoftuar Kryeministrin në detyrë të Kosovës, Albin Kurti për largimin e tij.
Dimal Basha u zgjodh Kryetar i Kuvendit të martën, me 73 vota për, 30 kundër dhe 3 abstenime.
