Komisioni Qendror i Zgjedhjeve ka publikuar raportet e audituara vjetore financiare të partive politike për vitin 2024.
Auditori ka gjetur se në Lëvizjen Vetëvendosje ka mungesë të dokumentacionit të rregullt në disa raste të shpenzimeve.
“Faturat e shpenzimeve nuk janë të lëshuara në emër të subjektit politik, por në emër të anëtarëve apo menaxhmentit”, thuhet në raport.
Kjo praktikë bie ndesh me kërkesat ligjore dhe rregullative në fuqi, të cilat kërkojnë që shpenzimet e subjektit politik të jenë të dokumentuara me fatura të rregullta dhe të lëshuara në emër të vetë subjektit.
Në raport theksohet se gjatë shqyrtimit financiar u konstatua se në vitin 2024, LVV-ja nuk i ka derdhur mjetet e pranuara nga anëtarësimet në llogarinë e saj bankare.
Sipas auditorit, “ky veprim bie ndesh me kërkesat e Ligjit”.
Të hyrat e kësaj partie më 2024 ishin 2,337,168 kurse shpenzimet ishin 1,805,296.
