Presidentja e Kosovës, Vjosa Osmani, pasi ka ushtruar të drejtën e votës, ka thënë se zgjedhjet e jashtëzakonshme të 28 dhjetorit duhet të rezultojnë në krijimin sa më të shpejtë të Kuvendit dhe të Qeverisë.

“Uroj që Republika jonë të ketë zgjedhje të qeta, të rregullta dhe demokratike. Uroj të kemi zgjedhje me pjesëmarrje sa më masive të qytetarëve. Zgjedhjet janë një proces i rëndësishëm demokratik. Shpresoj që rezultatet të rezultojnë në krijimin sa më të shpejtë të parlamentit dhe në formimin e qeverisë, të cilat janë të domosdoshme për procese të rëndësishme të brendshme dhe ndërkombëtare për Kosovën”, tha Osmani para gazetarëve.

Sipas të dhënave të Komisionit Qendror të Zgjedhjeve, mbi 160 mijë qytetarë kanë shfrytëzuar të drejtën e votës, apo 8,48 për qind, deri në orën 11:00, në zgjedhjet parakohshme nacionale. Mbi 2 milionë qytetarë do të kenë mundësinë të vendosin për përbërjen e legjislaturës