Kryetari i Partisë Demokratike të Shqipërisë, Sali Berisha, ka uruar Dimal Bashën për zgjedhjen e tij si Kryetar i Kuvendit të Kosovës.
“Në emër të PD i uroj Kryetarit të zgjedhur, Dimal Basha, suksese në detyrë dhe Kuvendit të Kosovës punë të mbarë”, ka shkruar Berisha në Facebook.
Pos Berishës, nga Shqipëria, Bashën e kanë uruar edhe Presidenti Bajram Begaj dhe Kryetarja e Kuvendit, Elisa Spiropali.
Basha u zgjodh Kryetar i Kuvendit të Kosovës në seancën e së martës. Pro Bashës kanë votuar 73 deputetë, kundër 30 dhe 3 abstenuan.
