Dy ditë para dasmës së tij, Noor Muhammad pati një telefonatë të gjatë me nënën e tij, vetëm pak orë para se vërshimet në Pakistan e mbytën atë bashkë me 23 anëtarë tjerë të familjes dhe të afërm.
“Nuk mund ta shpjegojë sa e lumtur ishte ajo”, tha ai afër rrënojave të shtëpisë së familjes së ti me 36 dhoma.
Fshati Buner është tri orë e gjysmë larg kryeqytetit Islamabad.
“Çdo gjë kishte përfunduar”, lotonte Muhammad, 25 vjeçar, ndërsa të afërm të tjerë e vajtonin ulur në shtëpinë e tij të rrënuar, duke thënë se nuk kishte mbetur asgjë kur ai u kthye në shtë[i përveç gurëve dhe rrënojave.
“Vërshimet erdhën, vërshime shumë të mëdha erdhën dhe morën me vete çdo gjë, shtëpinë, nënën, motrën, vëllain, axhën, gjyshin tim dhe fëmijë”.
Muhammad punon në Malajzi. Ai arriti në aeroportin e Islamabadit më 15 gusht për të shkuar në shtëpi, ku po përgatitjet për dasmën e tij ishin thuaj se gati për dy ditë më vonë.
Në fakt, ai mori pjesë në 24 varrime.
Ai varrosi nënën e tij, vëllain e motrën, tha ai, duke shtuar se babai dhe vëllai tjetër mbijetuan pasi kishin shkuar ta marrin nga aeroporti.
Pjesa e tjetrës qenë fatalitete në mesin e familjes së axhës së tij, me të cilin ndante shtëpinë e ndërtuar nga gjyshi i tij, dhe të afërm që po merrnin pjesë në martesën e tij.
E fejuara e tij mbijetoi. Shtëpia e saj ishte larg zonave të prekura nga vërshimet.
