Së paku 30 persona kanë mbetur të vdekur në Beijing dhe më shumë se 80,000 janë evakuar në zona të sigurta, bëjnë të ditur autoritetet kineze, ndërsa shi i rëndë me vërshime ka kaluar nëpër rrugë dhe shtëpi të veriut të Kinës.
Tetë të tjerë kanë vdekur pas një rrëshqitje dheu në qytetin Chengde, tri orë larg nga Beijing.
Kina po kalon një kohë me mot ekstrem veror. Valë të nxehta rekorde kanë goditur regjionin lindor të Kinës më herët gjatë muajit, ndërsa vërshimet kanë marrë rajonin e jugperëndimit.
Presidenti kinez Xi Jinping ka bërë thirrje për përpjekje të të gjitha forcave për shpëtim dhe u ka thënë autoriteteve të përgaditen për “skenaret më të këqija dhe më ekstreme”.
