Katër policët që ishin suspenduar për shkak se kishin bërë shaka me zgjedhjen e Dimal Bashës Kryetar i Kuvendit – ashtu siç u raportua – janë kthyer në punë.
Lajmin e ka bërë të ditur Arbenita Aliu, avokatja e rreshterit Sami Hoti, njëri nga të suspenduarit.
Rreshteri Sami Hoti së bashku me tre policët e tjerë, para pak minutash u kthyen në detyrat policore, Policia e Kosovës ka vlerësuar se në rastin e Sami Hotit nuk ka pasur shkelje disiplinore dhe ka vendosur që ta kthejë atë në detyrën ku ka qenë”, ka shkruar Aliu në Facebook.
Ky vendim, sipas saj, “dëshmon një qasje të matur dhe të drejtë, duke e trajtuar këtë rast me vlerësim profesional dhe kredibilitet institucional”.
“Vendimi për rikthimin e tij në detyrë është një dëshmi se drejtësia dhe përgjegjësia institucionale janë vlera që Policia e Kosovës di t’i ruajë dhe respektojë”, shtoi tutje.
Suspendimi i katër policëve kishte ngjallur reagime të shumta në opinionin publik, të cilët e kishin kundërshtuar këtë masë.
