Sekretari amerikan i shtetit, Marco Rubio, e ka pritur sot në zyrën e tij në Uashington homologun serb Marko Gjuriç.
Gjatë këtij takimi Rubio i’u përgjigj pyetjes së një gazetari mbi sanksionet e Amerikës ndaj Rusisë, ndërsa emisari i Donald Trump, Steve Witkoff, po kthehej nga vizita që i bëri Vladimir Putinit në Kremlin.
“Do të kemi më shumë për të thënë më vonë gjatë ditës. Ambasadori Witkoff është duke kthyer për këtu tani. Do të kemi diskutime përgjatë ditës dhe do të ketë edhe njoftime së shpejti, ndoshta pozitivem ndoshta jo, do ta shohim”, ka thënë Rubio për gazetarët pak sekonda pasi shtrëngoi dorën e Gjuriçit.
Deri tani asnjë zyrtar i lartë i Kosovës nuk ka zhvilluar ndonjë takim të këtij niveli me përfaqësues të administratës së re në Amerikë, që udhëheqet nga Donald Trump.
