Presidenti i Nepalit, Ramchandra Pauel, e ka shpërbërë parlamentin dhe ka thirrur zgjedhje të reja me 5 mars pas në jave të gjatë me dhunë vdekjeprurëse, që kulmoi me emërimin e kryeministres së parë grua të këtij vendi.
Zyra e presidentit Paudel lëshoi këtë njoftim vetëm pak orë pasi njoftoi emërimin e Sushila Karki, ish-kryetares së Gjykatës Supreme, në krye të qeverisë.
Sipas njoftimit të presidencës së Nepalit, presidenti ka “shpërbërë Shtëpinë e Përfaqësuesve” dhe ka vendosur 5 marsin e vitit të ardhshëm si ditën e zgjedhjeve.
Karki, kryeministrja e re e vendit, u zgjodh pas dy ditëve me bisedime intensive mes përfaqësuesve ushtarak dhe liderëve të protestave, që qenë më vdekjeprurëset në vite të tëra pasi lanë 51 të vdekur e mbi 1300 të lënduar.
