Seanca konstituive e Kuvendit të Kosovës ka dështuar përsëri. Hekuran Murati është propozuar përsëri nga Lëvizja Vetëvendosje, por nuk ka arritur që t’i marrë 61 votat e nevojshme për t’u bërë Kryetar i Kuvendit.
Pro kandidaturës së Muratit votuan 55 deputetë, kundër 46 dhe 4 abstenuan.
Pas tij, VV-ja propozoi Arbërie Nagavcin, mirëpo as ajo nuk i morri votat e nevojshme. Vetëm 54 vota pro.
VV propozoi më pas Dimal Bashën. Gati e gjithë salla qeshi – madje edhe deputetët e partisë propozuese. Pro Bashës votuan 57 deputetë.
Kuvendi mblidhet të martën, në një përpjekje tjetër për t’u konstituuar.
