Sipas një raporti të Europolit mbi kërcënimet terroriste në Bashkimin Evropian, gjatë vitit 2024 gati një në tre të dyshuar të arrestuar për vepra të lidhura me terrorizëm në BE ka qenë i mitur ose i ri në moshë.
Disa prej rasteve të fundit të vrasjeve dhe sulmeve të dhunshme janë lidhur me komunitete kultiste online, të cilat përdorin platformat digjitale për të shpërndarë dhe normalizuar mizorinë ekstreme, për të shantazhuar viktima dhe për të radikalizuar të rinjtë, duke i nxitur ata të kryejnë veprime të dhunshme.
Në raport thuhet se këto grupe shpesh targetojnë të miturit më të cenueshëm, zakonisht në moshën mes 8 dhe 17 vjeç.
Shumë prej tyre kanë lidhje ideologjike me terrorizmin dhe ekstremizmin e dhunshëm të krahut të djathtë, okultizmin dhe satanizmin.
Sipas raportit, konflikti në Gaza ka vazhduar të ketë ndikim të madh në nivelin e kërcënimeve terroriste në BE.
