Presidenti i Shteteve të Bashkuara të Amerikës, Donald Trump, ka thënë se Izraeli nuk mund ta aneksojë Bregun e pushtuar Perëndimor.
Trump e ka dhënë këtë koment surprizues ndërsa po fliste me gazetarë të enjten, para mbërritjes së kryeministrit të Izraelit, Benjamin Netanyahu, në New York për t’iu adresuar Asamblesë së Përgjithshme të OKB-së.
“Unë nuk do ta lejoj Izraelin të aneksojë Bregun Perëndimor. Jo. Unë nuk do ta lejoj. Nuk do të ndodhë, ka thënë Trump.
I pyetur nëse ai ka diskutuar planet e tij për bllokimin e tentimeve të Izraelit për aneksim, Trump tha: “Po, por unë nuk do ta lejoj atë. Pa marrë parasysh se a kam folur me të apo jo, unë nuk do ta lejoj Izraelin që të aneksojë Bregun Perëndimor. Ka ndodhur mjaft. Është koha të ndalet tani, OK?”.
