Nga Brukseli kanë ardhur mesazhe jo fort pozitive për Kosovën.
Bashkimi Evropian ka reaguar duke shprehur zhgënjimin për moscertifikimin e Listës Serbe.
Madje, në deklaratën e tyre, është përmendur partia në pushtet, Lëvizja Vetëvendosje.
“BE-ja është e zhgënjyer për moscertifikimin e dy partive politike të serbëve të Kosovës. Është për keqardhje qëndrimi i Vetëvendosjes gjatë procesit të certifikimit. Karakteri gjithëpërfshirës i zgjedhjeve të ardhshme lokale është kyç për të ardhmen e marrëdhënieve ndërmjet Kosovës dhe Bashkimit Evropian. Partitë politike që i kanë përmbushur kriteret ligjore duhet të lejohen të marrin pjesë në zgjedhje, dhe përfaqësuesit e zgjedhur duhet të marrin detyrat në të gjithë territorin e Kosovës, bazuar në një proces të lirë, të drejtë dhe gjithëpërfshirës,” thuhet në reagim.
BE-ja thekson se pret që institucionet përgjegjëse të sigurojnë që i gjithë procesi të zhvillohet në përputhje me Kushtetutën dhe ligjet në fuqi në Kosovë.
Ambasadat e shteteve të QUINT-it – Francës, Gjermanisë, Italisë, Mbretërisë së Bashkuar dhe SHBA-së – së bashku me Zyrën e BE-së në Kosovë, kanë shprehuredhe ata shqetësimin e tyre pas moscertifikimit të kandidatëve të Listës Serbe për zgjedhjet lokale të 12 tetorit.
