Policët Fahri Shala dhe Sedat Dushi, po i vazhdojnë dëshmitë e tyre për rastin “Banjska” në Gjykatën Themelore të Prishtinës.
Shala në dëshminë tij ka deklaruar se grupi që e ka organizuar sulmin në Banjskë ka qenë i mirëorganizuar dhe i trajnuar mirë.
“Ka qenë errësirë, identifikimin e plotë nuk kemi mundur ta bëjmë, kemi vërejtur që kanë qene me uniformë dhe kanë pas maskë, gjatë lëvizjes së shpejt”, tha Shala.
Ndërsa Dushi ka thënë se si pasojë e sulmit ka humbur 30 për qind të dëgjimit, teksa ka treguar se në natën kur ka ndodhur sulmi, kur ka shkuar në spital ka qenë në gjendje të rëndë.
“Shpesh vajza ma bonte babi s’po dëgjon … pas kontrolleve që kam bërë, unë sipas mjekëve kam humbur dëgjimin për 30%. Kam përdorur terapi dhe pastaj jam munduar ta marrë veten”, theksoi Dushi.
