Ministria e Jashtme e Rusisë dënoi sulmet ajrore izraelite në Siri dhe i cilësoi ato si shkelje të sovranitetit të vendit dhe të së drejtës ndërkombëtare.
“Sulmet e reja në Siri janë jashtëzakonisht shqetësuese,” thuhet në një deklaratë të ministrisë.
“Pala ruse ka dënuar në mënyrë të përsëritur përdorimin arbitrar të forcës nga Izraeli në Siri. Këto sulme, që përbëjnë një shkelje të rëndë të sovranitetit të vendit dhe të së drejtës ndërkombëtare, meritojnë një dënim të fortë,” vazhdon deklarata.
“Jemi të bindur se zgjidhja e këtij problemi qëndron nëpërmjet dialogut dhe forcimit të unitetit kombëtar.”
