Ish-presidenti rus Dmitry Medvedev deklaroi të enjten se Perëndimi, praktikisht, po zhvillon luftë të gjithanshme kundër Rusisë. Ai shtoi se Moska duhet të përgjigjet në cfarëdo lloj forme, duke nënvizuar se nëse është e nevojshme, duhet të ndërmirren sulme parandaluese kundër Perëndimit, raportoi agjencia shtetërore ruse TASS.
Medvedev, nënkryetar i delegacionit rus në Këshillin e Sigurimit, u paraqit si liberal përgjatë presidencës së tij mes viteve 2008 dhe 2012, por që atëherë gradualisht është shndërruar në një simbol të narrativës së ashpër kundër Perëndimit. Diplomatët thonë se deklaratat e tij japin një shembuj të vlefshëm të linjës së të menduarit në disa qarqe të elitës politike ruse.
“Ajo që po ndodh sot është një luftë e deleguar, por në thelb është një luftë e gjithanshme (hedhje të raketave perëndimore, inteligjencë satelitore, etj), paketa sanksionesh, deklarata të zhurmshme për militarizimin e Evropës,” citohet të ketë thënë Medvedev për TASS.
“Ne duhet të veprojmë në përputhje me rrethanat. Të përgjigjemi plotësisht. Dhe, nëse është e nevojshme, të ndërmarrim sulme parandaluese,” citohet të ketë thënë Medvedev, duke shtuar se shumë në Perëndim e kanë tradhtinë në gjak dhe një perceptim të vjetëruar për superioritetin e tyre.
