Trupi Gjykues në rastin kundër krerëve të UÇK-së ka rrëzuar kërkesën e avokatëve mbrojtës, duke lënë kështu në fuqi të gjitha akuzat.
Ekipet mbrojtëse me anë të një mocioni kishin kërkuar rrëzimin e akuzave në lidhje me periudhën e aktakuzës.
Konkretisht, sipas avokatëve në Kosovë nuk ka pasur konflikt pas qershorit 1999 dhe para fundit të majit të vitit 1998.
“Por, që provat janë shqyrtuar në lidhje me secilën prej pikave të aktakuzës. Në rastin në fjalë, mbrojtja në fakt kundërshton vetëm një prej aspekteve kryesore të provave të ZPS-së, dhe ka kërkuar që të rrëzojë atë që e përshkruan vetëm në lidhje me pyetjen e dy periudhave kohore që mbrojtja thotë që bie përtej, ose shkon përtej fushëveprimit të konfliktit të armatosur të pretenduar. ZPS-ja vlerëson se në Kosovë ka ekzistuar konflikt jondërkombëtar nga mars 1999 deri shtator 1999, mbrojtja parashtron se Prokuroria nuk ka vërtetuar që ka pasur konflikt përpara fundit të majit 1998, dhe qershorit 1999. Mbrojtja kërkon të rrëzojë akuzat për krimet që janë pretenduar të kryhen para fundit të majit 1998, dhe 20 qershorit 1999”, tha në fillim të seancës, gjyqtari i rastit, Charles Smith.
Duke shtjelluar çështjen e ngritur nga avokatët dhe Prokuroria, gjyqtari Smith tha se Paneli s’ka autoritet të rrëzojë pjesë të aktakuzës.
“Trupi gjykues nuk është bindur se ai ka autoritet për të rrëzuar pjesë të akuzave, ose materialeve pjesë të aktakuzës. Mbi këtë bazë trupi gjykues rrëzon mocionin në tërësinë e vetë, nuk shkon në themelësinë e argumenteve për periudhën sa i takon konfliktit të armatosur”, tha gjyqtari Smith.
Vendimi i sotëm do të kishte rëndësi jetike për vazhdimësinë e procesit në Hagë.
