Ashtu edhe siç pritej, ka dështuar sërish përpjekja për konstituimin e Kuvendit të Kosovës. Në seancën e 33-të me radhë, deputetët nuk kanë arritur përsëri që ta zgjedhin Kryetarin e Kuvendit, kjo pasi që Lëvizja Vetëvendosje nuk është duke u tërhequr nga kandidatura e Albulena Haxhiut.
Në sallë ishin të pranishëm 100 deputetë, por vetëm 51 votuan për themelimin e Komisionit për Votim të Fshehët. 1 votoi kundër, abstenime nuk pati.
Përfaqësues të partive opozitare po e fajësojnë VV-në për bllokadën e krijuar tash e disa muaj pas zgjedhjeve.
Për momentin, askush nuk jep sinjale për kompromis. Kuvendi vazhdon të jetë në bllokadë totale, ndërsa qytetarët mbeten dëshmitarë të një bllokade që nuk ka fund në horizont.
