Ministria e Infrastrukturës me në krye Hysen Durmishin, ka shpërblyer me kontratë njëburimore dy kompani të familjes Shabani në një tender të vetëm, “Dio Bes Sh.P.K”, si dhe “Bageri Company”. Për “mirëmbajtjen dimërore të rrugëve Nacionale dhe Rajonale të Kosovës, 2025 dhe 2026”, në LOT 9, kontrata i është dhënë kompanive “Dio Bes” dhe “Eurokos Holding” në vlerë totale 754 mijë e 213 euro.
DOKUMENT:
Në LOT 3, fitues është shpallur kompania “BAGERI Sh.P.K”, me vlerë totale 559 mijë euro.
DOKUMENT:
Pronarët e dy kompanive të lartëcekura janë miq të vjetër të Hysen Durmishit. Ky i fundit madje në të kaluarën kishte punuar për ta, dhe këtë e kishte pranuar edhe vetë.
“Unë Bujar Shabanin e njoh që nga viti 2001, e kam shok dhe ka pasur ndonjë periudhë kur unë nuk kam punu, nuk kam pasur ndonjë angazhim, pasi që kam dalë prej Komunës së Prishtinës, ku i kam ndihmu më shumë në kuptimin e organizimit kështu si shok por asnjëherë nuk kam punu në kompaninë e tij”, thoshte Durmishi.
Pronar i kompanisë “Bageri SH.P.K” është Leutrim Shabani, djali i Bujar Shabanit.
Ndërkaq, pronar i kompanisë “Dio Bes” është Xhelal Shabani, gjithashtu familjar i Bujarit.
VOX Kosova para disa ditësh kishte publikuar pamje të Durmishit me njërin prej anëtarëve të familjes në fjalë, të dy të ulur në një kafene, gjersa kompanitë vazhdojnë të pasurohen nga kontratat me negocim në dikasterin e Durmishit.
