Shefi i NATO-s, Mark Rutte, po viziton kryeqytetin e Ukrainës, Kievin. Ai u prit nga presidenti i vendit, Volodymyr Zelenskyy. Së bashku po adresojnë gazetarët në një konferencë të përbashkët shtypi.
Presidenti ukrainas ka thënë se ai i ka diskutuar garancitë e sigurisë për Ukrainën me Sekretarin e Përgjithshëm të NATO-s. Ai shtoi se “garancitë për Ukrainën duhet të strukturoren në një mënyrë të duhur, të ngjashme me nenin 5 të NATO-s (neni që parasheh intervenimin e aleancës në rast se një vend anëtar sulmohet).
Ndërkaq, sekretari i NATO-s tha se “po punojnë bashkë që të sigurohen se garancitë e sigurisë për Ukrainën janë në nivel të llojit që Rusia të mos mendojë kurrë të sulmojë përsëri”.
“Garancitë e sigurisë do të jenë shtresa e dytë mbi ndërtimin Forcave të Armatosura të Ukrainës”, shtoi Rutte duke thënë po ashtu se “NATO do të jetë e përfshirë”.
