Anëtarët e përhershëm të Këshillit të Sigurimit, Kina dhe Rusia, kanë mbështetur Iranin në refuzimin e lëvizjes së vendeve evropiane për rivendosjen e sanksioneve të OKB-së mbi Teheranin.
Një letër e nënshkruar nga ministrat e jashtëm të Kinës, Rusisë dhe Iranit tha se një lëvizje nga Britania, Franca dhe Gjermania që automatikisht të rivendosin sanksionet nën të ashtuquajturën “mekanizëm kthyes” ishte “ligjërisht dhe procuderalisht me të meta”.
Kina dhe Rusia ishin nënshkrueset e marrëveshjes së 2015 të Iranit me fuqitë botërore bashkë me tri vendet evropiane, të njohura si E3. Presidenti amerikan, Donald Trump, e largoi SHBA-në nga marrëveshja më 2018.
Evropianët e lëshuan “mekanizmin kthyes” javën e kaluar, duke akuzuar Iranin për shkelje të marrëveshjes, që kishte mundësuar lehtësim nga sanksionet ndërkombëtare në këmbim të kufizimeve në programin bërthamor të Iranit.
