250 milionë euro është vlera e shitblerjes së energjisë elektrike nga ambasadori i Kosovës në Kroaci, Martin Berishaj.
Për këto transaksione, ai është paguar me 0.8 për qind të shumës totale, që i bie mbi 2 milionë euro përfitim nga tregtia me energji elektrike.
Këto të dhëna i ka publikuar gazetari i Nacionales, Berat Buzhala, duke iu referuar deklarimeve në mediat sllovene të kryetarit të Bordit të GEN-it të Sllovenisë.
Sipas Buzhalës, Berishaj këtë biznes e ka zhvilluar me shtetasin serb, Borislav Antoviçin, i cili ka qenë këshilltar financiar i GEN Beogradit.
Po ashtu, Buzhala thotë se Berishaj kompanitë përmes të cilave janë transferuar këto shuma të mëdha i ka themeluar vetëm dy muaj para se Lëvizja Vetëvendosje t’i fitonte zgjedhjet, në tetor të vitit 2019.
Më tej, Buzhala raporton se Prokuroria e Sllovenisë ka konstatuar se në këtë transaksion ka elemente të veprës penale.
Raportimi i Berat Buzhalës:









