Pas sulmeve amerikane, Parlamenti i Iranit ka mbështetur idenë e mbylljes së Ngushticës së Hormuzit – një nga rrugët më të rëndësishme të transportit detar në botë, por ende nuk ka vendim përfundimtar.
Bllokimi i saj do të kishte pasoja të thella për ekonominë globale duke prishur tregtinë ndërkombëtare dhe duke rritur çmimet e naftës, meqë rreth 20 për qind e naftës dhe gazit global rrjedh përmes kësaj ngushtice.
Mbyllja eventuale e kësaj rruge, mund të rrisë koston e mallrave dhe shërbimeve në të gjithë botën dhe të godasë disa nga ekonomitë më të mëdha në botë.
