Është një nga temat më të debatuara në kinematografi: cili film i Quentin Tarantinos është më i miri? Vetë regjisori më në fund ka dhënë një përgjigje – duke ndarë gjithashtu edhe të preferuarin e tij personal dhe filmin që ai thotë se ishte “i destinuar ta bënte”.
Duke folur në podcastin The Church of Tarantino, regjisori 62-vjeçar tha se drama e tij për Luftën e Dytë Botërore, Inglourious Basterds (2009), është më i miri nga nëntë filmat e tij, ndërsa filmi i vitit 2019 Once Upon a Time … in Hollywood është i preferuari i tij.
“Por, mendoj se Kill Bill është filmi përfundimtar i Tarantinos, si një film që askush tjetër nuk do të mund ta kishte bërë”, shtoi ai.
“Çdo aspekt i tij është aq i veçantë, sikur është shkëputur me tentakula e ind të përgjakshëm nga imagjinata ime, nga nënvetëdija ime, nga dashuritë, pasioni dhe obsesionet e mia”.
“Prandaj, mendoj se Kill Bill është filmi që isha i destinuar ta bëja; mendoj se Inglourious Basterds është kryevepra ime, por Once Upon a Time … in Hollywood është i preferuari im”.
