Presidenca daneze e Bashkimit Evropian e ka ftuar Shqipërinë për hapjen edhe të katër kapitujve të negociatave për anëtarësim, ka njoftuar përmes një postimi në Facebook kryeministri shqiptar, Edi Rama.
Më 16 shtator, këta katër kapituj do tu shtohen 24 të tjerëve të hapur në 11 muajt e fundit të këtij procesi.
Rama e ka cilësuar këtë statistikë si një “një rekord absolut për shpejtësinë e një procesi negociatash”.
Postimi i plotë:
“TJETËR LAJM I MIRË – Shqiperia nuk ndalet
Të martën, datë 16 shtator, Presidenca Daneze e BE-së na fton që në praninë e Ministrave të Jashtëm të të gjitha vendeve anëtare, të hapim edhe 4 kapituj të tjerë të negociatave për anëtarësim, të cilët u shtohen 24 kapitujve që kemi hapur në vetëm 11 muaj – një rekord absolut për shpejtësinë e një procesi negociatash.
Agjenda e Gjelbër dhe Ndërlidhja e Qëndrueshme, mbi fusha të rëndësisë jetike, si Transporti, Energjia, Rrjetet Transeuropiane dhe Mjedisi, janë tanimë në tryezë. U vendos edhe tjetër gur kilometrik në rrugën drejt majës së Shqipërisë 2030 në BE”
