Nenad Rashiç, deputet nga radhët e komunitetit serb, ka dështuar edhe në tentativën e dytë që të zgjidhet nënkryetar i Kuvendit. Ai mori 56 vota për, kundër 1 dhe 20 abstenime.
Pro Rashiç-it votuan deputetët e Lëvizjes Vetëvendosje dhe disa deputetë të minoriteteve jo shumicë. Ata të PDK-së abstenoi, ndërsa Lahi Brahimaj i AAK-së, votoi kundër. Pasi që Rashiç dështoi, Kryetari i Kuvendit, Dimal Basha, ndërpreu seancën.
Procedura për përzgjedhje e kandidatit u aplikua me short, si në seancën e kaluar, kjo pasi që Lista Serbe nuk propozoi kandidat tjetër pas tri dështimesh të Slavko Simiç-it.
Para Rashiç-it, dështuan edhe disa deputetë të Listës Serbe. Fillimisht shorti i ra Branislav Nikoliç-it, cili për mori zero vota, kundër 55, abstenime 25, herën e dytë mori zero vota kundër, 54 vota kundër dhe 15 abstenime. Pas tij, tri herë dështoi Zlatan Elek – rezultati ishte i njëjtë në të dy rastet: zero vota për, kundër 54, abstenime 19, në të tretën zero vota për, kundër 55, abstenime 19.
Dështoi edhe Stefan Kovaceviç – Për zero vota, 53 kundër, 19 abstenime. Srdjan Popoviç mori zero vota për, kundër 54, abstenime 19, ngjashëm edhe në tentimin tjetër. Edhe Igor Simiçi dështoi: për zero vota, 55 kundër, 18 abstenime.
Kryetari i Kuvendit, Dimal Basha, e aplikoi procedurën me short, pasi që tha se një kandidat nuk mund të votohet më shumë se tri herë, duke u thirrur në aktgjykimin e fundit të Gjykatës Kushtetuese.
Nga ana tjetër, Lista Serbe tha se ky aktgjykim nuk vlen për çështjen e nënkryetarëve, prandaj insistuan që kandidat i vetëm i tyre të jetë Simiçi.
