Përkundër vendimit të Qeverisë në detyrë të Kosovës për largimin e tarifave ndaj produkteve amerikane, adminisrata amerikane nuk e kurseu Kosovën nga paketa e re e tarifave. Republika e Kosovës u godit me një taksë prej 10%, njëlloj si Shqipëria, Koreja e Veriut, Rusia dhe vende të tjera, raporton televizioni BBC.
“Miliarda dollarë po hynë në Amerikë si pasojë e tarifave”, ka shkruar Donald Trump në Truth Social, pasi tarifat e reja të tij kanë hyrë në fuqi ndaj 90 vendeve të botës.
Ndër vendet që janë goditur më së shumti janë Brazili e India me tarifë prej 50%, të cilat pasohen nga Zvicrra e Kanadaja me nga 39 e 35 përqind respektivisht.
Nga tarifat nuk u kursyen as vendet e rajonit me Serbinë që u godit me 35%, Kroacinë me 15% e Maqedoninë e Veriut me 15% po ashtu.
Kina nuk ka hyrë në këtë paketë tarifash për shkak të bisedimeve që po vazhdojnë mes Pekinit dhe Uashingtonit e që priten të mbarojnë më 12 gusht.
