Edi Rama ka marrë zyrtarisht mandatin e tij të katërt si kryeministër i Shqipërisë, pas ceremonisë së dekretimit nga Presidenti Bajram Begaj dhe betimit të kabinetit të ri qeveritar para tij.
Qeveria “Rama 4” u votua në Kuvend të enjten, mes kundërshtimeve dhe akuzave të forta të opozitës së drejtuar nga Partia Demokratike.
Kabineti i ri përfshin figura të njohura dhe disa emra të rinj në poste kyçe. Belinda Balluku ruan pozicionin e saj si numri dy i Qeverisë, në cilësinë e zëvendëskryeministres dhe Ministres së Infrastrukturës dhe Energjisë. Elisa Spiropali kalon nga drejtimi i Kuvendit në diplomaci si Ministre për Evropën dhe Punët e Jashtme.
Në krye të Ministrisë së Punëve të Brendshme vjen për herë të parë një grua, Albana Koçiu, e cila zëvendëson Ervin Hoxhën.
Lista e plotë e kabinetit “Rama 4”:
Kryeministër – Edi Rama
Zv.kryeministër dhe Ministër i Infrastrukturës dhe Energjisë – Belinda Balluku
Ministër i Ekonomisë dhe Inovacionit – Delina Ibrahimaj
Ministër i Shtetit për Administratën Publike dhe Antikorrupsionin – Adea Pirdeni
Ministër për Evropën dhe Punët e Jashtme – Elisa Spiropali
Ministër i Mbrojtjes – Pirro Vengu
Ministër i Mjedisit – Sofjan Jaupaj
Ministër i Punëve të Brendshme – Albana Koçiu
Ministër i Financave – Petrit Malaj
Ministër i Drejtësisë – Besfort Lamallari
Ministër i Arsimit – Mirela Kumbaro
Ministër i Shëndetësisë dhe Mbrojtjes Sociale – Evis Sala
Ministër i Bujqësisë dhe Zhvillimit Rural – Andis Salla
Ministër i Shtetit për Marrëdhëniet me Parlamentin – Toni Gogu
Ministër Shteti dhe Kryenegociator – Majlinda Dhuka
Ministër i Turizmit, Kulturës dhe Sportit – Blendi Gonxhja
Ministër i Shtetit për Pushtetin Vendor – Ervin Demo
