Rusia ka goditur rajonin Lviv të Ukrainës me raketat e saj balistike të rrezes së mesme, Oreshnik. Një sulm i ndarë me raketa dhe sulme me dronë në Kiev ka lënë të vdekur katër persona dhe ka lënduar 19 të tjerë.
Në një nga breshëritë më të mëdha sulmesh që përfshiu dronë dhe raketa, Rusia ka sulmuar Ukrainën gjatë mbrëmjes së kësaj të premte me raketat e saj të shpejtësisë së zërit Oreshnik.
Moska ka përdorur Oreshnikun për të shënjestruar infrastrukturë kritike në Lviv, pjesën perëndimore të Ukrainës, ka thënë kryetari i bashkësisë Andriy Sadovyi.
Oreshnik, që në rusisht i bie “pemë lajthie”, është një nga armët më të reja të Rusisë. Raketat e saj, të pajisura me ngarkesa të konsiderueshme bërthamore, janë të dizajnuara për të goditur shënjestra në distanca më të largëta.
Sipas Komandës Perëndimore të Forcës Ajrore të Ukrainës, Oreshniku që sulmoi qytetin perëndimor të Ukrainës udhëtoi me shpejtësi 13,000 kilometra për orë.
