Një diskutim i çuditshëm është ngjallë nga prokurori Matt Halling, teksa ka marrë në pyetje dëshmitarin John Duncan, ish këshilltar i Komandantit të NATO-s, Wesley Clark.
Për disa ditë të qershorit, NATO dh UÇK bënin marrëveshje për demilitarizim dhe diskutimet u zhvilluan në male.
Por, prokurori, derisa po tregonte disa fotografi e video e pyeti dëshmitarin se pse ai dhe të tjerët – sidomos ata të UÇK-së – ishin me rroba të njëjta për disa ditë.
Me një të qeshur, dëshmitari ia ktheu prokurorit se kjo është një çështje jo e rëndësishme – duke marrë parasysh se ishte kohë lufte.
“Ne ishim në një zonë lufte, nuk po rrinim në hotel me katër yje, nuk mund të ndërronim rrobat çdo ditë, prandaj duken me rroba të njëjta. Nuk e shoh nëse është ndonjë faktor se këto fotografi po ngjallin keqkuptime në data”, tha ai.
