Në vlerësimin e Kryetarit të Parlamentit të Kosovës, Dimal Basha, Kuvendi, me zgjedhjen e Nenad Rashiç-it si nënkryetar nga radhët e komunitetit serb, është i konstituuar dhe se procedurat për zgjedhjen e tij kanë qenë të rregullta.
“Kam kënaqësinë t’iu njoftoj që me 71 vota për kemi zgjedh nënkryetarin. Fundit dhe kemi konstituimin e Kuvendit të Kosovës. Ka qenë një procedurë e rregullt e mirë. Gjithçka ka shkuar mirë e tani e tutje Kuvendi mund të shkojë punën e vet”, tha Basha pas seancës konstituive.
I pyetur për dyshimet e Partisë Demokratike të Kosovës në lidhje me procedurat për zgjedhjen e Rashiç-it, ai tha se kjo parti ka të drejtë të ngre dyshimet, mirëpo “procedurat kanë qenë plotësisht të rregullta”.
Ndryshe, Nenad Rashiç është zgjedhur nënkryetar i Kuvendit të Kosovës nga radhët e komunitetit serb. Ai mori 71 vota për, 24 abstenime dhe nëntë kundër.
Zgjedhja e Nenad Rashiçit erdhi pasi që nëntë (9) deputetët e Listës Serbe dështuan radhazi nga tri herë secili për t’i marrë votat e nevojshme.
Lidhja Demokratike e Kosovës dhe Vetëvendosje votuan për, ndërsa Partia Demokratike e Kosovës abstenoi.
