Aleanca për Ardhmërinë e Kosovës (AAK), ka preferenca për kandidatin për Kryetar të Kuvendit, por Dimal Basha nuk është njëri prej tyre, ndonëse nuk është përjashtuar mundësia se mund të votohet edhe ai.
Kështu ka thënë Kryetari i AAK-së, Ramush Haradinaj, para gazetarëve, pak momente para nisjes së seancës konstituive.
“Ne kemi preferencë, kishim preferuar Glauk Konjufcën. I kemi përmendë preferencat tona. Dimali s’është preferenca jonë”, tha Haradinaj.
Megjithatë, ai nuk e përjashtoi mundësinë që do ta votonin edhe Bashën. “Mund t’ia japim votën edhe Dimalit, por mendoj që edhe VV ka opsione të tjera”, shtoi ai.
