Një tjetër dëshmitar i mbrojtjes së ish-presidentit Hashim Thaçi do të paraqitet nesër në sallën e gjyqit në Hagë.
Sipas kalendarit të Speciales, seanca dëgjimore do të zhvillohet për tri ditë, deri më 2 tetor, pas së cilës do të ketë një pushim prej tre javësh.
Deri më tani, për mbrojtjen kanë dëshmuar figura të rëndësishme ndërkombëtare që ishin të përfshira drejtpërdrejt në çështjet e kohës së luftës: James Rubin, ish-zëdhënës i Madeleine Albright; Paul Williams, këshilltar i delegacionit të Kosovës në Rambuje; dhe John Duncan, ish-këshilltar i Komandantit të NATO-s, Wesley Clark.
Dëshmitarët e mbrojtjes, të cilët është thënë se janë gjithsej 11, pritet të paraqiten deri nga gjysma e nëntorit. Palët më pas do të kenë afat deri në dhjetor për të dorëzuar me shkrim fjalën përfundimtare. Ndërsa vitin e ardhshëm, në muajt e parë, pritet të merret vendimi final i Panelit të Gjyqtarëve.
