“Kosova po i kalon ditët më të errëta në historinë e vet”, tha kryetari i Aleancës për Ardhmërinë e Kosovës, Ramush Haradinaj, duke iu referuar vendimit të Shteteve të Bashkuara të Amerikës për pezullimin e Dialogut Strategjik me Kosovën.
Në një postim në Facebook, Haradinaj tha se kjo situatë është rrjedhojë “e sjelljeve të papërgjegjshme të Albin Kurtit dhe qeverisë së tij”.
“I ftoj të gjitha forcat politike dhe gjithë shoqërinë kosovare që urgjentisht të reflektojmë për situatën në të cilën gjendemi”, shtoi Haradinaj.
Sot gjatë ditës, Ambasada e SHBA-ve në njoftoi se në një afat të pacaktuar ka pezulluar dialogun strategjik me Kosovën. Kjo për shkak të deklaratave e veprimeve të kryeministrit në detyrë, Albin Kurtit.
