Asociacioni i Gazetarëve të Kosovës (AGK) është shprehur thellësisht i shqetësuar me kërcënimin e rëndë me vrasje që një person i ka bërë gazetarit të VOX Kosova, Lirim Mehmetaj.
Një person me emrin Xhavit Nuredini, në një koment në Facebook, e ka kërcënuar gazetarin Mehmetaj me këto fjalë: “3 okfira me ti shpraz nlul tballit frik e kie”.
“AGK-ja e dënon ashpër këtë gjuhë dhe i bën thirrje Policisë së Kosovës dhe Prokurorisë që të ndërmarrin masa urgjente për identifikimin dhe lokalizimin e personit në fjalë dhe ta mbajë përgjegjës për veprën penale të kanosjes”, kanë thënë nga AGK.
AGK ka theksuar se ky “ky kërcënim kaq serioz vë në rrezik sigurinë fizike të Mehmetajt dhe redaksisë që ai udhëheq, prandaj AGK-ja fton Policinë e Kosovës që të ofrojë masa mbrojtëse”.
