Deputeti serb, Nenad Rashiç, ka thënë se është i gatshëm të marrë përgjegjësi nëse votohet për nënkryetar Kuvendi. Këtë, Rashiç e tha para gazetarëve tek Kuvendi i Kosovës, aty ku sot po mbahet seanca për zgjedhjen e nënkryetarit nga radhët e komunitetit serb.
“Nuk varet prej meje(Nëse janë votat). Unë, nëse vjen radha ime, kam thanë që jam besoj politikan i përgjegjshëm. Nëse vjen radha ime dhe nëse votojnë për mu, unë normal që do ta marr detyrën në formë të përgjegjësisë”, tha ai.
Rashiç shtoi “se është shumë e mundshme që ai të ketë votat e mjaftueshme nëse hidhet në votim emri i tij”, por që nuk e di nëse partitë shqiptare që herën e kaluar votuan kundër “kanë ndryshuar qëndrim”.
