Më herët, forcat e rendit në SHBA kërkuan ndihmën e publikut në gjetjen e personit që e qëlloi në mënyrë fatale aktivistin politik konzervativ në një ngjarje në Utah University.
I dyshuari i kësaj ngjarjeje është kapur nga forcat amerikane, ka njoftuar presidenti amerikan, Donald Trump, këtë të premte.
“Besoj në një shkallë të lartë se e kemi atë në arrest”, ka thënë Trump gjatë një paraqitjeje të tij në televizionin e mirënjohur amerikan Fox, duke shtuar tutje se ai e ka kuptuar për arrestimin vetëm pesë minuta para emisionit.
Një person i afërt me të dyshuarin i ka ushqyer hetuesit me informacione për vendndodhjen e të dyshuarit, sipas raportimeve fillestare për çështjen.
Të enjten vonë, FBI dhe policia e Utah lëshuan video që shfaqnin personin me interes duke u larguar nga skena pas vrasjes së aktivistit politik Charlie Kirk.
