Shkelja e Kushtetutës “është plaga e cila e gërryen shtetin dhe shoqërinë”, ka thënë avokati Faton Fetahu.
Ai e konsideron një veprim të tillë si “përmbysje të kontratës që qytetari e ka me shtetin”.
“Nuk është gjë e vogël shkelja e Kushtetutës. Në një vend normal, do duhej të nënkuptonte tërheqje të përhershme nga pjesëmarrja në jetën publike”, tha Fetahu në një intervistë për emisionin ‘99 në VOX Kosova, ku u diskutua edhe për shkeljet e shumta kushtetuese që pushteti i Vetëvendosjes i ka bërë gjatë qeverisjes.
Njohësi i çështjeve kushtetuese ka sqaruar se vendimet e aktit më të lart juridik të vendit nuk e çojnë askënd në burg, sepse “nuk imagjinohet që dikush të mos e respektojë vendimin”.
