Ish-presidentit të Kosovës, Hashim Thaçit, i është vazhduar paraburgimi në Hagë.
Vendimi është marrë nga gjyqtarja paraprake në rastin ku ai akuzohet për ndërhyrje në drejtësi.
Gjykatësja franceze, Marjorie Masselot, vendimmarrëse në këtë çështje ka injoruar faktin se Thaçi i ishte dorëzuar vetë këtij institucioni duke hequr dorë nga posti i Presidentit. Ajo ka parashikuar se ai mund të arratiset nëse lëshohet të mbrohet në liri.
“Ekzistojnë qëllimet e këqija të z. Thaçit ndaj ligjeve dhe rregullave të Dhomave të Specializuara; dhe mjetet dhe mundësia e tij për t’u arratisur, pavarësisht ndalimit të tij të vazhdueshëm në procedurën e rastit 06. Për më tepër, Gjykatësi i Procedurës Paraprake i jep rëndësi faktit se z. Thaçi po vazhdon të fitojë njohuri gjithnjë e më të thelluara mbi provat që qëndrojnë në themel të aktakuzës përmes procesit të vazhdueshëm të shpalljes së provave”, thuhet në vendim.
Dokument:
Një tjetër paragjykim i gjyqtares Masselot, është parashikimi i një situate hipotetike në të cilën Hashim Thaçi mund të dënohet me shumë vjet burg.
Në vendimin për vazhdimin e paraburgimit, ajo thotë se me veprat që i vihen në barrë të akuzuarit, atij mund t’i shqiptohet dënim mbi tetë vjet.
“Z. Thaçi është në paraburgim që nga data 5 dhjetor 2024 në kuadër të këtyre procedurave;
ai është i akuzuar për tre (3) pika përpjekjeje për të penguar personat zyrtarë në kryerjen e detyrave zyrtare, katër (4) pika shkeljeje të fshehtësisë së procedurës dhe katër (4) pika përçmimi të gjykatës, të cilat parashohin një dënim maksimal prej deri në pesë (5) vjet, tre (3) vjet dhe gjashtë (6) muaj, përkatësisht; dhe (iii) rreziqet sipas nenit 41(6)(b) të Ligjit (në veçanti, rreziku i pengesës dhe i kryerjes së veprave të mëtejshme penale) nuk mund të zbuten nga asnjë kusht i propozuar apo shtesë për lirimin”, thotë gjyqtarja.
Dokument:
Vendimi për vazhdimin e paraburgimit ndaj Thaçit vjen një ditë para protestës në Prishtinë kundër veprimeve të Dhomave të Specializuara.
Kjo është hera e katërt që ish-kryetarit të shtetit i vazhdohet qëndrimi në paraburgim në rastin ku ai akuzohet për krime lufte.
