Kryenegociatori i Kosovës për dialogun me Serbinë, Besnik Bislimi, gjendet në Bruksel për procesin e dialogut me Beogradin me ndërmjetësimin e Bashkimit Evropian.
Kështu ka konfirmuar për Radio Evropa e Lirë, Klisman Kadiu, këshilltar i Bislimit.
“Mbi detajet, formatet, takimet dhe temat e diskutimit, do të informoheni në përfundim të tyre”, ka thënë Kadiu për REL.
Raportohet se nga pala serbe është dërguar kryenegociatori, Petar Petkoviç.
Nuk ka ende detaje nëse Bislimi dhe Petkoviç kanë pasur takime të përbashkëta apo të ndara me të Dërguarin Special të BE-së për dialogun Kosovë-Serbi, Peter Sorensen.
