Nënkryetari i Listës Serbe, Slavko Simiç, është deklaruar i pafajshëm rreth akuzave për nxitjen e protestuesve për të sulmuar gazetarët shqiptarë gjatë tensioneve në Leposaviq, më 16 qershor të vitit 2023.
Seanca e shqyrtimit fillestar ishte paraparë të mbahej më 18 shtator, por ishte shtyrë për sot në mungesë të shkresave të lëndës për të akuzuarin Simiç dhe mbrojtësin e tij.
Sipas aktakuzës më 16 qershor 2023, gjatë protestës kundër vizitës së ministrit të Administrimit të Pushtetit Lokal, Elbert Krasniqi, Simiç i ka dhënë urdhër turmës që të sulmonte mediat dhe më pas ekipet e mediave janë sulmuar me shok-bomba, grushte, shqelma e mjete të forta.
