Izraeli ka tentuar të vrasë liderët politikë të Hamasit me një sulm ajror në Katar të martën, duke eskaluar veprimin e vet ushtarak në Lindjen e Mesme me çfarë SHBA-të e përshkruan si sulm unilateral që nuk avancon interesat amerikane dhe izraelite.
Presidenti amerikan, Donald Trup, ka thënë se është “shumë i pakënaqur në çdo aspekt” për sulmet izraelite dhe se do të japë një qëndrim të plotë për situatën të mërkurën.
“Nuk jam i kënaqur për të”, tha Trump tek arriti në një restorant në Washington. “Nuk është një situatë e mirë por unë do ta them këtë: Ne duam pengjet e luftës, por nuk jemi të lumtur për mënyrën se si shkoi sot.”
Ndërsa Izraeli ka mbrojtur sulmet si të justifikueshme, Katari ka thënë se Izraeli është përfshirë në “terrorizëm shtetëror.” Kryeministri i Katarit, Sheikh Mohammed bin Abdulrahman al-Thani ka thënë se sulmet ajrore kanë rrezikuar prishjen e diskutimeve për paqe që Katarit ka qenë duke i ndërmjetësuar mes Hamasit dhe Izraelit.
Trump ka thënë se ai konsideron se goditja ndaj Hamasit ishte një qëllim me vlerë, por se ai ndjehet keq që sulmi ka zënë vend në shtetin e Gjirit Arab, i cili është një aleat i madh i Washington e ku grupi islamist palestinez e ka pasur bazën politike qysh moti.
