Studentët indonezianë do të organizojnë protesta në ndërtesën e parlamentit në kryeqytetin indonezian të enjten, ka thënë një grup studentor, ndërsa një mbledhje e propozuar më qeverinë mbi demonstratat masive që kanë lënë 10 të vdekur nuk është materializuar akoma.
Të udhëhequra nga studentët, punëtorët dhe grupet e të drejtave, protestat e javës së kaluar rreth dhunës policore dhe shpenzimeve shtetërore u shpërndanë nëpër gjithë vendin pasi një automjet policie e goditi dhe e vrau një taksist.
Kohë pas kohe, demonstratat janë kthyer në dhunë. Grupet e të drejtave kanë thënë se 10 njerëz janë vrarë dhe mbi 1000 janë lënduar në incidente. Këto grupe e kanë dënuar përdorimin e forcës nga forcat e sigurisë.
Koalicioni i studentëve, i njohur lokalisht si BEM SI, ka thënë para protestës të së enjtes se “shqetësimi i popullit nuk është për shkak të protestave në rrugë, por për shkak të korrupsionit dhe politizimit të ligjit”.
Dhjetë unione studentore u takuan me parlamentarë të mërkurën. Ata bën thirrje për një hetim të pavarur mbi dhunën policore, ndërsa ndërtuan një kontrast mes benefiteve për ligjbërësit dhe vështirësitë ekonomike me të cilat përballen me shumicën e indonezianëve.
Nënkryetari i kuvendit u ka ofruar atyre një mundësi për tu takuar me qeverinë të enjten, por lideri i BEM SI, Muzammil Ihsan, ka thënë se nuk ka pasur ndonjë ftesë pas këtij diskutimi.
Protestat janë thirrur nga disa trupa studentore të Indonezisë me interesa të ndryshme shumë shpesh jo të ndërlidhura.
Autoritetet indoneziane kanë ndaluar mbi 3000 njerëz nëpër vend, ka njoftuar grupi i të drejtave të njeriut në New York. Human Rights Watch.
