Këshilli Prokurorial i Kosovës e ka suspenduar Kryeprokuroren e Prokurorisë Themelore në Pejë, Lumturije Vuçetajn.
Vendimi vjen pas vrasjes së Arlinda Zekajt, të cilën shteti nuk e kishte mbrojtur, pavarësisht se ajo e kishte paralajmëruar se mund të vinte kjo situatë dhe prandaj kishte kërkuar mbrojtje.
Siç raporton Betimi për Drejtësi, ky vendim erdhi pas rekomandimit të Kryeprokurorit të Shtetit, Zejnullah Gashi.
Vuçetaj u suspendua me 7 vota për.
KPK-ja, thuhet se themeloi panel hetimor, pasi ndaj saj do të iniciohet procedurë disiplinore.
Vuçetaj është vetëm njëra nga përgjegjëset e sistemit të drejtësisë që nuk ndërmorën masa për ta mbrojtur Arlinda Zekajn, e cila i kishte bërë vazhdimisht kërkesa.
Arlinda Zekaj u vra të dielën me sëpatë nga kunati i saj, Albert Sylaj, i cili u arrestua dy ditë pasi që e kreu aktin.









