Dhoma e apelit e Gjykatës së Bosnjës dhe Hercegovinës të premtën ka konfirmuar verdiktin e instancës së parë me 1 vit burg për Presidentin e Republika Srpskës, Milorad Dodik, ndërsa ka lëshuar edhe një ndalesë prej 6 vitesh për mbajtjen e zyrës së presidentit të entitetit serb.
Dodik ishte dënuar për shkak se me dijeni kishtë thyer vendime të lëshuara nga Përfaqësuesi i Lartë i Bosnjës, Christian Schmidt, në korrik të vitit 2023.
Schmidt kishte bllokuar implementimin e dy ligjeve të adoptuara nga autoritetet e Republika Srpskës, një që parandalonte fuqizimin e urdhëresave të Gjykatës Kushtetuese në nivel vendi brenda entitetit dhe një tjetër që do të amandamentonte legjislacionin për publkimin e akteve zyrtare. Edhe përkundër kësaj, Dodiku vazhdoi procedurat ligjore në kundërshtim me vendimet e Schmidt.
Në një përgjigje të zbehtë, Dodik u ka thënë mediave në Banja Luka se vendimi “nuk e ndalon atë të jetë kryetar i partisë së tij”, dhe shtoi se do të kërkojë mbështetje nga Serbia, Rusia dhe “administrate e re në SHBA”.
