Partitë opozitare po planifikojnë të largojnë centristin e ta rrëzojnë qeverinë minoritare pas vetëm nëntë muajsh.
Kryeministri francez, Farnçois Bayrou, pritet të rrezohet në një votëbesim të hënën pasdite, duke e futur ekonominë e dytë më të madhe të eurozonës në një krizë politike.
Partitë opozitare nga e majta e deri te ekstremi i djathtë e kanë bërë të qartë se do të votojnë kundër kryeministrit 74-vjeçar duke lënë të kuptohet se ai dhe qeveria e tij do të largohen nga pushteti vetëm nëntë muaj pasi u zgjodhën.
Presidenti francez, Emmanuel Macron, pastaj pritet të përballet me vështirësi në emërimin e kryeministrit të tretë në një vit e i pesti që kur ai filloi mandatin e dytë në vitin 2022.
Si shef i shtetit me autoritet në politikë të jashtme dhe siguri kombëtare, presidenti e zgjedh direkt një kryeministër për të udhëhequr çështjet e e brendshme. Por pasi Macron thirri zgjedhje të shpejta parlamentare vitin e kaluar, asambleja kombëtare është ndarë në tri blloqe – majtë, qendër dhe ekstrem i djathtë – pa mazhorancë absolute, duke krijuar një lloj të ngërçit politik dhe papajtueshmërisë mbi buxhetin. Kjo nënkupton se nuk ka siguri se një kryeministër i ri do të jetë i sigurt nga një rrëzim i ngjashëm në të ardhmen.
